VELKOMMEN TIL ROMJULSSKYTING SØNDAG 28.12. FRÅ KL. 11:00
Alle medlemmer er hjartleg velkomne.
Alle som ikkje er medlemmer er også velkomne til å få prøva seg, samt sjå kva Skånevik Skyttarlag faktisk driv med.
Ta med familien, og kom!
PLAN FOR DAGEN:
- Dei unge skyt først, frå kl. 11.00.
- Når dei yngste er ferdige, så blir det pause med pølser, brus, kaffi, vafler og julakaker. Premieutdeling blir det også.
Etter pausen så kan foreldra til ungane/ungdommane skyta. (Neida, det er ikkje skummelt, så det er berre å prøva)
Til slutt skyt dei vaksne.
Premiering
- Alle i klassen "Nybegynnar ung," dvs. unge under 16 år får sjokoladepremie.
- Lagskyting der to og to er på lag. Vinnarlaget er det laget der dei to på laget har mest mogleg lik poengsum. Beste score er 0p differanse mellom dei to på laget.
- Ein premie blir trekt til ein heilt tilfeldig deltakar. Einaste kriterie er at ein har nisselua på seg når ein skyt.
- Det blir gitt premie til tre av dei unge skyttarane som har delteke på >8 treningskveldar i haust.
- For dei vaksne medlemmane er det vanleg permiering med medalje til vinnaren i kvar klasse, som blir delt ut ved eit seinare høve.
God naboskap er viktig
Me inviterer dei vaksne medlemmene i nabolaget vårt Fikse Skyttarlag til å vera med.
Skyteprogram
Alle skyt berre liggande, og desimalane tel med.
Ungar / ungdommar i klasse NU.
5 prøveskot + 3x5 skot
(Maks poengsum er 15 x 10,9 = 163,5p)
Vaksne
Prøveskot + 6x5 skot
(Maks poengsum er 30 x 10,9 = 327p)