Fjordane skyttarlag, med god hjelp av Balestrand og Nesse skyttarlag, byr med dette inn til Landsdelskretsstemna i bane- og feltskyting for Fjordane krets.
Baneskytinga blir arrangert på Esebotn skytebane. Innleiande feltskyting, Stang og Felthurtig vert arrangert i Vetlefjorden med utgangspunkt i Vetlefjorden Grendahus.
Innleiande skyting på bane og felt vert arrangert laurdag 15. Det vert også høve for nokre lag på fredag 14. dersom dette skulle vera naudsynt. Laurdag ettermiddag vert det gjennomført samlagsskyting for ungdom på bana.
Det er enkel og felles påmelding til både bane og felt på denne arrangementssida. Dersom nokre skyttarar ikkje skal delta på begge øvelsane, eller det er andre ynskjer, ber ein om det vert meldt frå om dette pr epost til fjordane@skytterlag.no
Baneinformasjon
Feltløypa har utgangspunkt frå Vetlefjorden Grendahus, som er oppmøtestad og påmelding. Det vert lagt opp til at grovfelt og finfelt går same løypa, og har same standplassane.
Løypa startar med tilbod om innskyting 100m. Etter avslutta hovudskyting felt, er det lagt opp til Stang- og Felthurtigskyting. Stangskyting vert på pappskiver, Felthurtig på sjølvanvisarar.
Den totale lengda på feltrunden er ca 2,5km. Etter siste Stang og Felthurtig vert det sett opp transport tilbake til Grendahuset, for dei som måtte ynskja dette.
Feltfinalane vert arrangert på papp i Esebotn søndagen.
Skyteprogram
Klasse 2-5, V55, EJ 30 skot hovudskyting og 12 skot finale
Klasse 1, Åpen, AG3, HK416 30 skot hovudskyting
R, ER, J, V65, V73 30 skot hovudskyting og 12 skot finale finfelt
NV 30 skot hovudskyting på finfelt
Det vert oppgjevne avstander på feltløypa. Meir informasjon om dette kjem på www.dfs.no/fjordane etter kvart.
Veibeskrivelse
Vetlefjorden Grendahus er også innendørsbana til Fjordane skl. Avkøyring frå Fv13 til Grendahuset vert skilta, både frå Balestrand og Gaularfjellet. Det er ca 20km avstand mellom Vetlefjorden Grendahus og Esebotn skytebane.
Diverse
Det vert servering av varm og kald mat i Vetlefjorden Grendahus.
Det er mogeleg med påmelding på ledige plassar stemnedagen.
Fjordane skyttarlag kan tilby betaling via Vipps.